中國好聲音 香港站二十強進八強，我止步了。
賽事琴晚就完成了，不過今天才update番大家。琴晚比賽6點正開始，比賽主要分為四組進行，每組選2個入八強。我屬的李嘉格組是第一組進行比賽，次序由評判看完各人的短片後決定，而我就“幸運地” 被Eric Kwok 選了出來，打頭陣，第一個唱。當然心中是萬個不想做第一個唱的，但那一瞬間只好告訴自己 I am ready!
唱唱唱，唱到途中我已感覺到自己不太對勁，有些音我hold不住了，而力度彷彿也顧不了，是平時練習時罕見的，但我只好繼續盡量投入，希望可以用感情搭夠。本以為應該還好的，MC首先問揀我出來既Eric意見，點知佢就話因為評判席前既喇叭太大聲，好多仔細位/音準都聽吾到，之後好像眾人既注意力就去左校番細個喇叭，而MC亦無再問其他評判意見，個刻其實我係好想問可吾可以有多一次機會，但當然我應該係妄想啦，所以冇講出口。而好快我亦知道自己擠身不了八強，係台上說感言的那刻異常平靜和空白，沒有別的，就只是想謝謝特意來看我既朋友和家人，大多是五點幾放工後分別飛的和飛奔過來的，以致不錯過我那麼早的演出。那一句淡淡的謝謝其實表達不到我內心的感恩。
其實今次呢個比賽令我開眼界和有幾多新嘗試，我認識到特別的人和他們各有的故事經歷，有的和我一樣剛出來工作不久來比賽，有的工作了很多年家人反對但音樂夢還燃着，有的還是學生，而最深刻的是一位帶着結他，三年以來，走遍和唱遍了世界很多角落，唱歌就是他唯一的生計來源，他的音色很快就會把你攝住。另外其實我好享受每次比專業化妝師化妝既感覺，拍攝工作亦很過癮。而呢個比賽之後，我更加認清到自己既不足，強項和方向，為之後既我又推進左一步。演藝和舞台依然係我既夢。未來我要積極裝備自己探索自己更多既可能性。加油！
Search